Ntoh ngơi ta rƀŭn nchră, Thủ tướng Chính phủ Phạm Minh Chính lah rjăp đă mât uănh, ƀư tĭng tâm ban, dŭt n’hâm, săk rnglăy ăp nău kan, trong mkra tĭng n’glôn jêh bah Trung ương, Bộ chính trị, Nghị quyết bah Quốc hội, Chính phủ; tĭng rjăp nău mĭn nơm, nsrôih ƀư dơi ăp nău rƀŏng, rnoh an, nău kan hun hao wăng sa rêh jêng năm 2023 lĕ n’gluh an.

Tâm nĕ, ăp nău kan chính trị khlay lah ntrôl sŏk an prăk ntuh kơl nsum n’hanh mbơh ƀư bôk nău kan rdâk hao n’hanh hun hao wăng sa rêh jêng, 03 bôk nău kan rƀŏng tĭng lam dak. Thủ tướng lah rjăp, ăp nău kan aơ geh nău ƀư tơm khlay mpeh wăng sa, chính trị, rêh jêng, mât njrăng bri dak, rnă njrăng, dôh rklaih ăp nău wăk kol, nta an boăt nthoi ntung trong wăng sa rêh jêng, leo an ntuh kơl, pơk luh ntŭk ntô hun hao mhe, n’hao boăt nthoi, mât uĕh đăp mpăn wăng sa têh, jŭt n’hŭch ach o, n’hao n’hâm soan bah neh dak, nta an rdâk hao ngăch n’hanh hun hao nâp nâl.