Ôi 7/12, Thủ tướng Chính phủ Phạm Minh Chính ƀư tơm rƀŭn nchrăp trong dôh rklaih jêr jŏt mpeh hao jêng an manh prăk an nkra njêng tăch rgâl, ntrŭt hao jêng n’hanh đăp mpăn wăng sa têh. Thủ tướng lah rjăp, rƀŭn aơ gay dôh rklaih jêr jŏt mpeh prăk an jâng wăng sa, yor nê he an djăt nău rgop bah ăp nuĭh tơm geh tât du trong tâm ryơk, djăt nău rgop; dăn đă ăp đại biểu ntoh ngơi sŏng dăng, uănh dăng tâm nău ngăn, nkoch ăp trong mkra di, ngăch, săk rnglăy, an nău uĕh neh dak, rnoi nuĭh, ăp ngân hàng, doanh nghiệp, doanh nghiệp n’hanh ngân hàng geh tât jâng wăng sa neh dak.

Jâng wăng sa geh hun hao ri ngân hàng n’hanh doanh nghiệp mhe hun hao n’hanh rlơ̆ tay, ngân hàng n’hanh doanh nghiệp geh hun hao ri neh dak mư hun hao. Thủ tướng mĭn lah, an joi nău rblang an trong trok an manh yor dôl gĭt an manh jêr, geh prăk ma mô hŏ dơi tăch; an tâm nchră tĭng nuih n’hâm sŏng dăng, tâm ryơk, djăt, dơn nău rgop.