Kêng măng ntri (6/8), Thủ tướng Chính phủ Phạm Minh Chính kruanh Ban rđău đă n’glôch jêh 20 năm tĭng ƀư trong ntĭt leo dăp rgum nuĭh kan bah Chính phủ (Ban rđău đă) ƀư tơm rơh hop bôk năp bah Ban rđău đă. Lah ta rơh hop, Thủ tướng Phạm Minh Chính lah rjăp, rgâl mhe nău ƀư n’hanh nău kan bah Chính phủ tĭng trong rƀŏng glêh tam, nău kan nsĭt nău geh, nsĭt nău dơi; mât bôk bộ âk n’gâng kan, âk trong kan; hŭch tâm di rnoh âk ăp bộ, nhih pah kan tâm ban bộ; ntrôl dăng tâm pă gưl, tâm pă nău dơi kan tâm di đah Trung ương n’hanh n’gor,.. nkre lah rnoh ŭch tât kan, nkre lah nău dơn kan, trong nkra khlay gay rdâk njêng jâng nsing ƀư siƀŭt rhŏ dŏng ƀon lan, nău dơi tam pháp luật,  way rnâng kan, têh mhe.

Thủ tướng dăn đă ăp nuĭh kan tâm Ban rđău đă tâm nchră ntrŏng năl kloh rnoh ŭch tât kan rdâk njêng Đề án n’glôch jêh, tĭng gâp Đề án n’glôch jêh ân geh tât 02 rnoh kan: Gŭ mĭn, uănh năl tay geh tĭng rêng, lam lĕ rngôch mpeh nău dơi kan,  nău dơn kan, n’glĕ nău dơi ƀư n’hanh dăp rgum tay bah 04 năm kan Chính phủ (ntơm bah khóa XII tât khóa XV); Dăn đă nău mĭn, rnoh tât kan, trong rƀŏng nău dơn kan, trong nkra mpeh ăp tŏng nău dơi, nău  dơn kan, n’glĕ nău dơi ƀư, n’hanh dăp rgum nuĭh kan bah năm kan Chính phủ khóa XVI n’hanh năm kan let năp tay.