Ôi 6/12, ta Nhih pah kan Chính phủ, ta nâm nău ƀư tơm Thủ tướng Phạm Minh Chính, Chính phủ ƀư rơh hop way ăp khay khay 11 năm 2023 gay ŭanh năl nô nău wăng sa- rêh jêng kon nuĭh khay 11 n’hanh 11 khay năm 2023; nô nău an ƀư bôk nău kan dâk hao tay n’hanh hun hao wăng sa - rêh jêng kon nuĭh; nô nău tâm pă, n’gluh tơm prăk ntuh kơl; nô nău an ƀư 03 bôk nău kan gưl neh dak.

Lôch rnôk djăt ăp nău lah, n’glôch jêh rơh hop, Thủ tướng Phạm Minh Chính hŏ nchŏng kloh ăp nău dơi hŏ geh tâm pah kan rđău  đă mât bôk kan n’hanh nô nău wăng sa rêh jêng kon nuĭh khay 11 n’hanh 11 khay, lơn lah tâm droh rklaih jêr jŏt kŏ kol, ntop kơl nuĭh ƀon lan, doanh nghiệp sĭt jêng tay n’hanh hun hao ƀư njêng tăch rgâl. Ndrel đah nê Thủ tướng đă ntrôl dăng n’gluh tơm prăk ntuh kơl, bôk nău kan dâk hao tay 03 bôk nău kan gưl neh dak; ntrôl ngăch uănh an dăp rgum. Ân lôch jêh tâm pă na nê̆ lĕ rngôch tơm prăk ntuh kơl năm 2023 hôm ƀa ƀă bah năp nar 10/12/2023.