Ôi 14/8/, Thủ tướng Chính phủ Phạm Minh Chính ƀư tơm rơh hop Rnâng kan Chính phủ mpeh rdâk njêng pháp luật. Ta rơh hop ăp nuĭh kan Chính phủ hŏ djăt siƀŭt mbơh mpeh trong nchrăp Luật ntuh kơl (rgâl nkra); Siƀŭt mbơh mpeh trong nchrăp Luật rgâl nkra, kơi ntop du đêt nkô̆ bah Luật dăp rgum, Luật ntuh kơl, Luật Đấu thầu; Siƀŭt mbơh mpeh trong nchrăp Luật rgâl nkra, kơi ntop du đêt nkô̆ bah Luật Ngân sách ngih dak, Luật mât, dŏng drăp ndơ ngih dak, Luật rnă ntêm gưl neh dak....

Lơn lah mpeh trong nchrăp Luật ntuh kơl ngih dak (rgâl nkra) tĭng Thủ tướng Phạm Minh Chính, ntŭk nsing ngăn ngăn ân ntoh bah ngăn ngăn, uănh khlay ngăn ngăn, sŏk nău geh ngăn ngăn ƀư mâng weh der bah ntoh nău tih djơh, der bah nău njêng ntŭk gŭ rêh tih djơh an ăp cán bộ, hăn ndrel đah nê lah nău klach der nău dơn kan, klach tih n’hanh mô ƀư, ntơm bah nê mpŭng lir tơm ndơ, roh huach âk prăk tĭng ƀư an nuĭh ƀon lan doanh nghiệp.  Thủ tướng njrăng đă, mô njêng ntŭk an trong dăn an, ân ngăch rplăch dŏng ăp tơm prăk tâm  n’hanh bah dih dak, tơm prăk trung ương n’hanh n’gor, n’hao dăng hăn groi nđôi ôp uănh, der bah nău nde trong kơl gay sa khâm, tih djơh, nkhôm rnê n’hanh rmal lhăt năn ngăch.