Kêng măng 23/12, Thủ tướng Chính phủ Phạm Minh Chính, Kruanh Ban rđău đă gưl neh dak njrăng, n'gang nuh srê COVID-19 (Ban rđău đă) ƀư tơm Rơh hop tâl 19 bah Ban rđău đă pơk sŏng dăng đah 63 n'gor, nkual ƀon têh Trung ương.

Lah ta rơh hop, ndrel đah ăp nău nchih nkah ăp nău rgop bah kruanh rđău kan ăp n'gâng kan n'hanh rblang gĭt kloh nô nău, Thủ tướng Chính phủ Phạm Minh Chính an lah, tâm let năp tay lah Tết Dương lịch, Tết Nguyên đán n'hanh khay pâl rlưn, nău ŭch  tâm rsong hăn pâl nđaih hao âk, ndrel đah trôk nar rgâl ndal lah nău dơh an ăp nuh srê ntưp rêng, geh rnoh nuĭh ntưp hao âk, lơn lah đah kon se geh suan dăng chŏl đêt n'hanh bu ranh ơm geh nău ji tâm săk, dơh ntưp ăp nău ji ntưp rêng...Jêng, ân geh trong nkra njrăng n'gang nuh srê gay ăp nuĭh ƀon lan dơi wơt Tết uĕh mƀak, ngăch dăng, rhơn răm mô geh ndŭl êng bah kơi, ndrel đah nê đă wăn bok put mbung n'hanh puh nkhĭt kaman ăp ntŭk rgum âk nuĭh.

VOV/Nuĭh rblang: Điểu Thân