Kêng măng (7/8), Thủ tướng Chính phủ Phạm Minh Chính, Kruanh Ban rđău đă ôp uănh, nkra rmal kŏ kol tâm ăp quy định pháp luật (Ban rđău đă) ƀư tơm rơh hop tâl bar bah Ban Rđău đă. Ntơm pơk rơh hop tâl bar, Thủ tướng Phạm Minh Chính đă Bộ Tư pháp mbơh mpeh rnoh ngăch n’hanh lôch jêh tĭng ƀư nău n’glôch jêh bah Rnâng kan Chính phủ ta rơh  hop bôk năp.

Tâm nê, uănh năl nô nău ăp bộ, n’gâng kan tĭng ƀư nău nkra lôch jêh ra uănh tay siƀŭt hŏ dơi Chính phủ nchŏng luh ta ăp siƀŭt mbơh ra uănh tay siƀŭt quy phạm pháp luật rhŏ dŏng an Nghị quyết 101/2023/QH15 n’hanh Nghị quyết 110/2023/QH15 bah Quốc hội khóa XV. Ndrel đah nê, siƀŭt mbơh n’glôch jêh ra uănh tay, rgum ăp jêr jŏt, kŏ kol siƀŭt tâm di geh nău jăch ndăn, ta gưl luật ân rgum gŭ mĭn, nkra ƀư. Gŭ mĭn, droh rklaih n’hanh nchrăp dăn đă trong tâm  pă ăp bộ, n’gâng kan gŭ mĭn, nkra ƀư. ntơm bah nê, dăn đă trong nkra geh nău tam, lam lĕ rngôch tĭng ƀư  nău dơn kan Chính phủ jao ta Nghị quyết 82/NQ-CP, Nghị quyết 93/NQ-CP n’hanh n’glêh an 81 nar 25/7/2024 n’gluh an dŏng trong nchrăp kan bah Ban rđău đă.