Nar aơ (6/1), Thủ tướng Chính phủ Phạm Minh Chính ƀư tơm rơh wơt Thủ tướng Lào Sonexay Siphandone n’hanh I ur khâl ngăn Việt Nam tâm 2 nar 6-7/1. Tĭng trong hăn khâl, Thủ tướng Phạm Minh Chính ƀư tơm rơh wơt ngăn Thủ tướng Lào n’hanh I ur ta Nhih pah kan kruanh dak; lôch nê 2 kruanh rđău kan leo mpôl ntơh măt gưl têh 2 Chính phủ ƀư tâm nchră ta nhih pah kan Chính phủ; uănh saơ Lễ ký ton siƀŭt tâm boh đah ăp n’gâng kan, ăp n’gor bar dak.

Tâm rơh hăn khâl dja, Thủ tướng Lào mbra ndrel đah Thủ tướng Phạm Minh Chính ƀư tơm rơh hop tâl 46 Ủy ban bar Chính phủ Việt Nam - Lào. Kruanh dak Võ Văn Thưởng, Kruanh Quốc hội Vương Đình Huệ mbra wơt Thủ tướng Lào Sonexay Siphandone. Hăn khâl ngăn Việt Nam bah Thủ tướng Sonexay Siphandone n’hanh I ur ƀư tâm rnôk tâm boh bar dak krêp dêh tay n’hanh hun hao uĕh lăng. Tâm boh chính trị dơi rdâk tay, nar lơn ma nsing nơm, mât nău khlay kan n’gâng tơm, rƀŏng tât tâm boh lam lĕ rngôch bar dak./.