Ôi 15/3, ta Hà Nội, Thủ tướng Phạm Minh Chính ƀư tơm Tâm nchră lam dak mpeh pâl nđaih năm 2023 đah nkô̆ "Ntrôl dăng dâk hao tay - n'hao ngăch". Tâm nchră dơi ƀư ta Nhih pah kan Chính phủ n'hanh pơk sŏng dăng tât đah bôk ƀoh 63 n'gor, nkual ƀon têh mpeh Trung ương.

Lah ta rnôk tâm nchră, Thủ tướng Phạm Minh Chính lah rjăp, aơ lah tâm nchră geh nkô̆ dŭt khlay n'hanh dơi rđău đă nchrăp bah ơm đah dŭt âk nău mpŏng mpeh ăp njuat dâk hao, hun hao đăt ndal bah pâl nđaih n'hanh bah nê, rgop uĕh tâm nău hun hao ăp n'gâng  kan, ăp trong kan geh tât, tâm ban kơt hun hao wăng sa rêh jêng kon nuĭh neh dak lah nsum. Thủ tướng nchŏng kloh, năm 2023 n'hanh let năp tay, ăp mpêr n'gar nking kol luh lăp tă bah COVID-19 mbrơi dơi ntlơi bah. Nău kan dja mbra  nsĭt tay ăp trong dơh soih yơn dŭt âk jêr jŏt, ntul  rlong, tâm ndăng đah he n'hanh ăp ntŭk pâl nđaih êng ƀa ƀă đŏng.