Măng nar 4/9, nkhêp geh râng Tâm nchră gưl têh ASEAN tâl 43 n’hanh ăp nău kan geh tât ta Jakarta, Indonesia, Thủ tướng Phạm Minh Chính hŏ wơt kruanh rđău kan ăp tập đoàn têh bah Indonesia. Kruanh rđău kan ăp doanh nghiệp mpơl nău nsing nơm tâm boh têh jong lam lĕ rngôch Việt Nam - Indonesia hun hao uĕh lăng  mbra lah jâng nsing nơm gay doanh nghiệp bar dak pơk hvi tâm boh ntuh kơl; uănh Việt Nam lah ntŭk wăng sa dŭt săk geh an ăp doanh nghiệp ntuh kơl tăch rgâl n’hanh dŏng ndơ, ăp ndơ săk kah nâp uĕh.

Ta rơh mâp, Thủ tướng Phạm Minh Chính mbah rhơn ăp nău kan ntuh kơl geh nău dơi bah ăp doanh nghiệp ta Việt Nam. Thủ tướng dăn đă, đah nău njong năm kơp dơn ntuh kơl, pơk hvi ntuh kơl…, ăp doanh nghiệp ân kan nsum lhăt đah ăp n’gor, ăp nhih pah kan geh tât  kơt Bộ Kế hoạch n’hanh Đầu tư gay dơi ntĭm nti, ntop kơl na nê̆ n’hanh tĭng ƀư trong ntrŭt nsôr, an rong dơh tĭng quy định bah pháp luật, kalơ nuih n’hâm geh nău tâm ban đah doanh nghiệp n’hanh ƀư dơh glêh siƀŭt, der bah âk mpưm jêr jŏt an nuĭh ntuh kơl./.