Nkhêp di Noel năm 2023, Thủ tướng Phạm Minh Chính tât khâl, ntrŭt nsôr n’hanh mbah rhơn Giáo xứ Bắc Giang. Tâm nchră đah Thủ tướng Phạm Minh Chính, Linh mục Quản hạt Giuse Nguyễn Văn Phong (Giáo xứ Bắc Giang) an gĭt, tâm 2 năm bah năp, ta Bắc Giang dŭt uĕh, nuĭh ƀon lan lah nsum, ƀon lan Công giáo lah êng dŭt rhơn yor nău rêh drăp ndơ, nuih n’hâm dơi rgâl, lơn lah dơi wơt Thủ tướng Chính phủ tât mbah rhơn Noel 2023.

Ntoh ngơi ta aơ, Thủ tướng Phạm Minh Chính lah rjăp, Đảng, Ngih dak ryơk mrô nău dah rŏng chroh rƀŭn bah nuĭh ƀon lan, tâm nĕ geh Thiên chúa giáo. Thủ tướng nkoch kloh, Bắc Giang lah n’gor mâp âk jêr jŏt tâm rơh sêr Covid-19, yơn lah, n’gor lĕ nking n’gang uĕh rdâk hao n’hanh hun hao ngăch. Mông nar Noel bah Giáo xứ dŭt răm; mpŏng đah nău rđău bah Đảng, Ngih dak, nuĭh ƀon lan nsrôih tĭng uĕh ăp nău ntrŭnh bah Đảng, nău kơl pháp luật bah Ngih dak. Thủ tướng Phạm Minh Chính mbah rhơn ƀon lan Công giáo Bắc Giang du yan Noel ngăch dăng, uĕh lăng, du năm mhe đăp mpăn.