Rơh rƀŭn nchră geh ƀư trực tuyến lam dak ta ntŭk pơk rƀŭn nchă ăp nŭk kan n’gâng kan , tâm ban n’gâng kan, ntŭk kan bâh chính phủ , UBND ăp n’gor , nkuăl ƀon teh bâh trung ương. Năm 2023, rgâl mhe rnoh mbrô ngih dak geh ntrôl tĭng trong lĕ ƀon lan, lĕ rngôch, geh nău dơi ngăn ngên na nê, tâm rgop âk ta nău hun hao wăng sa, rêh jêng neh dak. Năm noh mbrô ngih dak, mpôl he ĕ geh njêng ăp nău kan tơm khlăy tâm nău njêng n’hanh nkoch rnoh mbrô tâm ntŭk kan ngih dak, nta njêng nău tơm an hun hao lĕ 3 n’gâng kan tơm lah chính phủ, wăng sa mbrô, nau rêh jêng mbrô.

Rnoh mbrô rgâl mhe mĭn kan bâh Việt Nam năm 2022 đah năm 2023 geh ntrôl dăng tĭng trong lĕ ƀon lan, lĕ rngôch, geh nău 3 dâk tal 46/132, hao 2 gâl đah năm 2022. Ntoh ngơi ta roh rƀŭn nchră, Thủ tướng Phạm Minh Chính lah na nê̆, rgâl mhe rnoh mbrô ngih dak năm 2023 geh ntrôl dăng ting trong lĕ rngôch, lĕ ƀon lan, gh sak rnglăy na nê̆, tâm rgop âk ta nău hun hao wăng sa, rêh jêng neh dak, đah 6 nău geh tơm. Thủ tướng mât uănh nău min kan tơm tâm nău rgâl mhe rnoh mbrô; an geh mât nău mĭn kan, nău mĭn an geh ueh tâm di, nsrôih âk, pah kan an geh răng dăng đah nău kan khoa học, săk rnglăy. Hun hao wăng sa an lĕ rngôch,yơn an geh n'hao lor săk ueh lơn lah nchoăt tĭng rnoh âk.