Ta rơh rbŭn nchră ăp nuĭh kan ndrel chính phủ tâm nchră, uănh n’hêl, an tâm rgop đah 9 nkô̆ nău geh 7 nău dăn đă rdâk njêng luật, pháp lệnh năm 2024 n’hanh tâm let năp tay.

Thủ tướng kơp dơn, rnê âk ăp n’gâng kan, công kan , n’gâng kan mât rnă njrăng ngih dak, tư pháp, rdâk njêng, n’gâng kan tài nguyên n’hanh môi trường, Ngân hàng ngih dak Việt Nam lĕ nsrôih nchrăp, ndơ̆ ăp nău dăn đă rdâk njêng luật, pháp lệnh, ăp nău nchrăp Luật, răng dăng geh gĭt, mbơh rblang na nê̆, geh nău kan tâm di. Thủ tướng rnê âk nău nsrôih kan, dơn kan, tâm di đah nău ngăn mpeh rdâk njêng têh bâh ăp đồng chí kan ndrel ta chính phủ n’hanh đă ăp kruanh n’gâng kan ntĭm đă ƀư tĭng răng dăng, tŏng ăp nău tâm rgop bâh ăp nuih kan ta chính phủ , ƀư lôch nău đă rdâk njêng luât tĭng nău ntrŭnh.