Trong hăn têh Ninh Bình- Nam Định - Thái Bình đah nău jong mĭn uănh năl klâp ma 88km. Mpeh 2 nău nchrăp kan aơ, n’gâng kan mât uănh ntung trong lah tay na nê̆, nău dăn đă ntuh kơl lah dŭt khlăy ngăn, mât đăp mpăn rnă njrăng ta nkual Đồng bằng Sông Hồng, nkual Đông Nam Bộ tâm rgop đah Tây Nguyên.

Ntoh gnơi ta rơh rƀŭn nchră, Thủ tướng Phạm Minh Chính lah na nê̆, trong hăn têh nthoi bâh Ninh Bình- Nam Định- Thái Bình mbra tâm rgop bâh Hải Phòng, Quảng Ninh njêng nău hun hao ueh mhe n’hanh njêng nău hun hao an lĕ nkual, trong hăn tâm rgop bâh Dak Nông hăn let Bình Phước lah dŭt gleh gay ma nthoi let ndrâm dak lêng ta Vũng Tàu, nĕ lah trong hăn tơm  nthoi bâh Tây Nguyên hăn tât Đông Nam Bộ nta nău dơh nơih an hun hao lĕ nkual. Thủ tướng dăn đă ăp đại biểu tâm nchră ndơ̆ mbơh tâm rgop nău gay ma uănh n’hêl mơh nău lĕ dơi geh ƀư, mơh nău kŏ văk, nkre lah ntĭm na nê̆, an geh nău nsrôih âk lơn, nkô̆ mpŏng kan na nê̆, nău kan kloh rjăp n’hanh leo ƀư tĭng tâm di, bâh nău nĕ, ăp ntŭk kan an geh nsrôih lăp kan đah nău geh nsum lah lĕ rngôch.