Kêng măng 17/11, Thủ tướng Chính phủ Phạm Minh Chính mâp măt nai ntĭm nti ndrel cán bộ mât nau kan ntĭm nti ntoh lư năm 2023 di nar Nai ntĭm nti Việt Nam. Ntoh nau tâm nar mâp măt, Thủ tướng Phạm Minh Chính njoăl nau rhơn ueh ngăn bah Tổng Bí thư Nguyễn Phú Trọng tât ăp nai ntĭm tât râng nar aơ ndrel njoăl nau ôp khâl ueh lăng tât nai ntĭm nti tâm lam neh dak.

Ƀư tĭng nau ntrŭnh Đại hội XIII bah Đảng ndrel nau ntrŭnh mrô 29 bah Trung ương, Thủ tướng đă ntŭk kan ntĭm nti ân ƀư rjăp, tâm ban, săk tam ăp nau kan, ntrong kan rgâl mhe nau kan, ăp ntil nau ntĭm ndrel nti, n’hao nau nâp nau tă geh dơi ntĭm nti tâm ăp jrâu. Thủ tướng ŭch ndrel rnơm lah, ăp nai ntĭm nti mra lŏ nsôih, mro lah nŭih leo trong chiăr nti mpeh nau mĭn, nau blau, ŭch rŏng nau kan, ŭch rŏng kon nŭih; n’hao nau blau, geh nau ƀư kan mhe tâm nau ntĭm ndrel ntil; gay ăp mông nti ngăn ngên geh nau ueh, gay ăp nar hăn nti lah du nar rhơn m’ak./.