Tâm nar nđaơ đŏng 10/12, ta nkual ƀon têh Cần Thơ, Thủ tướng Phạm Minh Chính mâp nuĭh ƀon lan nkuăl Vĩnh Thành, nkual ƀon têh Cần Thơ jêh rơh rƀŭn tal 6, Quốc hội khóa 15. Ta nar mâp nuĭh ƀon lan, ntoh măt Mpôl đại biểu Quốc hội nkual ƀon têh Cần Thơ mbơh jêh rơh rƀŭn tal 6, Quốc hội khóa 15.

Ndrel đah nĕ, nuĭh ƀon lan nkual ƀon têh Cần Thơ uănh lah prêh ăp săk rnglăy ma Quốc hội lĕ dơi geh ta rơh rƀŭn mhe rlău, nkre uănh lah prêh nău ƀĭt joet dŭt n’hâm bah Chính phủ, Thủ tướng Chính phủ tâm nău ƀĭt joet têh, groi nđôi nău ntoh hao mhe, ntrôl hao jêng wăng sa. Bah meng nĕ, nuĭh ƀon lan chroh bap dăn đă Chính phủ, ăp n’gâng kan nău kan Trung ương ntuh kơl ndâk ƀư ntung trong gay oh kon nuĭh chroh bap dơi hun hao wăng sa uĕh lơn, ntĭm rđău dŭt n’hâm nău rgâl ntil tơm tăm, mpa rong gay ƀon lan geh prăk nkra njêng tuch tăm mât rong; geh nău kơl ndâk ƀư ntŭk prăp ba an nuĭh ƀon lan rnôk jêh rek, n’hŭch nuĭh rwăt nsâm, tât rnôk ba geh khlay tăch an doanh nghiệp.