4 nău ƀư trong têh đah lĕ rnoh prăk ntuh ƀư lah rlău 15 rbăn rmen prăk, geh tâm ndrih sa nkra lăp hăn mbluh trong ta nar 24/12 ta 4 ntuk ƀoh rup: nkuăl ƀon têh Điện Biên, Tuyên Quang, Tiền Giang n’hanh Vĩnh Long. Aơ lah ăp nău ƀư trong hăn dŭt khlăy geh sa nkra lăp dŏng tâm năm 2023 n’hanh ƀư tĭng di đah nău nchrăp, nău kan ngluh mbơh.

Nău khlăy bâh 4 nău nchrăp kan aơ mboh ƀư dơi lĕ ƀư tĭng nău ntrŭnh pă kan an ta ntŭk. Ntoh ngơi ta rơh lễ, Thủ tướng Phạm Minh Chính rnê âk, kơp dơn, n’hanh rnê nău nsrôih, nău mĭn dơn kan bâh n’gâng kan mât uănh ntung trong, ăp n’gor, nkuăl ƀon têh geh pă ƀư kan, lah na nê̆, bâh nău geh n’hanh nău khlăy bâh ăp nău kan geh sa nkra lăp dŏng aơ , ăp nar lơ ma ndâk nsơm tay ăp nău dơi gĭt blău nău khlăy tâm nău ƀư tĭng ăp nkô̆ mpŏng hun hao wăng sa- rêh jêng. Thủ tướng nkah, ăp nuĭh tât râng nău kan an geh n’hao nău mĭn nơm dơn kan đah ăp nău kan, đah n’gâng kan n’hanh âk lơn tay, rgâl mhe nău mĭn, trong kan gay ma ƀư lôch nău kan ntop mbơh tơih ƀư ăp nău nchrăp kan an tâm di đah nău kan.