Tâm mâp nai nti, sinh viên ngih nti Đại học Ngoại thương Thủ tướng Phạm Minh Chính rhơn nkah tay nău way dăch bên, tâm rnglăp, tâm kơl, hun hao đah Đảng, 2 dak.

Thủ tướng Chính phủ Phạm Minh Chính ŭch, đah nău way ơm ngêt dak kahgĭt tu, rơh mom 2 dak an geh nkah mbro n’hanh lah ueh nău kan têh bâh ăp rơh nuĭh leo kan n’hanh ƀon lan 2 dak. Di rơh aơ, Thủ tướng Phạm Minh Chính mpơl nău lah ueh chính phủ n’hanh ƀon lan Campuchia lĕ way knơm, săch Việt Nam lah ngoăy tâm aka ntŭk tât, dak kan ndrel bôk năp tâm nău ntĭm nti, n’hao nău dơi ueh rnoh nuĭh kan bâh Campuchia. Thủ tướng ŭch ngih nti Đại học Ngoại thương mô rlu nsrôih, nsrôih tâm rgop pă rnoh nuĭh kan an ăp ntŭk kan ngih dak n’hanh doanh nghiệp kơl an ăp nău pah kan wăng sa đah dak bah dih, nta nău dơh nơih ueh ngăn mpeh nău nti, mĭn uănh, mpeh ntŭk gŭ ntŭk sa an ăp kon hoc, sinh viên Campuchia.