VOV4.M'nông: Ôi ntri (10/10), Nar rgâl mbrô gưl neh dak hŏ ƀư ta ntŭk rgum nchră gưl neh dak đah nău tât râng bah Thủ tướng Chính phủ Phạm Minh Chính n'hanh njuăl nău mbơh gĭt lor bah Chính phủ mpeh nău ntrôl dăng rgâl mbrô gưl neh dak. Lah ta rơh lễ, Thủ tướng lah rjăp, Đảng, Ngih dak he way uănh khlay n'hanh uănh nău rgâl mbrô gưl neh dak lah ngoăy tâm ăp nău kan rgum tơm tâm hun hao công nghiệp mhe, têh dăng mhe neh dak.

Si ƀŭt nchrăp lor dăn đă Đại hội XIII bah Đảng nkoch tât nău rgâl mbrô, wăng sa mbrô, nău rêh mbrô tâm ăp rnoh tât kan, nău mĭn hun hao n'hanh đăt ndal trong kan têh jong. Nghị quyết bah Bộ Chính trị hŏ lah rjăp đă ntrôl ngăch rơh rgâl mbrô gưl neh dak. Bôk nău kan rgâl mbrô gưl neh dak tât năm 2025, rƀŏng tât năm 2030 bah Chính phủ an ƀư tĭng trong rgâl mbrô du trong lam lĕ rngôch đah nău tât râng bah nuĭh ƀon lan, nsum mpôl doanh nghiệp n'hanh nhih pah kan ngih dak./.

VOV.VN

Nuĭh rblang: Điểu Thân