Ôi kơ 8/8, nglôch lôch ta rơh rƀŭn nchră rnâng kan ntĭm leo ngih dak ăp nău kan, nău nchrăp kan khlăy ngih dak n’gâng kan mât uănh ntung trong, Thủ tướng Phạm Minh Chính đă ăp nuĭh tơm ntuh kơl, ăp nuĭh dơn kan tâm rgop đah ăp ntŭk ơm doh rklaih ăp nău jêr kŏ văk, ndâk nsơm nău mô dơi bâh ăp trong hăn aƀaơ.

Lĕ rnoh nău nchrăp kan ƀư trong hăn ngăch têh dôl geh mbơh ƀư klâp ma 1.700km ta ăp mpeh mper neh dak, tâm nĕ geh klâp ma 1.200km nchrăp mbra ƀư lôch ta năm 2025 gay ma dơi geh rnoh km trong têh hăn ngăch ta lam dak hao rlău 3 rbăn km. Thủ tướng đă, ăp n’gâng kan ăp ntŭk kan, ngăn lah ăp tơm ntuh kơl, nuĭh ntuh kơl nsrôih ƀư tĭng, ƀư an geh săk rnglăy nău kan tâm rlong “500 nar măng ƀư geh nău dơi ăp nău nchrăp ƀư trong têh hăn ngăch” gay ma vơt rhơn Đại hội Đảng ăp gâl, mpŏng tât Đại hội lam dak tal 14, kahgĭt 80 năm nar njêng ngih dak, 50 năm rklaih đăp mpăn miền Nam dơn ngoăy neh dak.