Tâm rnôk hăn khâl gưl ngih dak Ấn Độ, kêng măng 1/8, Thủ tướng Chính phủ Phạm Minh Chính ntoh ngơi ta Hội đồng ăp Nău Lam ntŭr neh bah Ấn Độ. Ntoh ngơi bah Thủ tướng geh bôk nău:

N’hao tâm boh kan ndrel têh hvi lĕ rngôch Việt Nam-Ấn Độ yor đăp mpăn, kan ndrel n’hanh hun hao ta nkual Ấn Độ Dương-Châu Á-Thái Bình Dương n’hanh lam ntŭr neh”. Thủ tướng đă pă 3 nkô̆ nău khlay lah: Nu nău lam ntŭr neh n’hanh nkual; Nău ntrŭnh, trong hăn, nău kan, nău geh n’hanh trong rƀŏng hun hao bah Việt Nam; Trong uănh tâm boh kan ndrel têh hvi lĕ rngôch Việt Nam-Ấn Độ tâm năm tât.

Tĭng Thủ tướng bah ăp nău geh lam ntŭr neh an geh nău mĭn, rgum lĕ, joi lĕ rngôch ăp dak an nsrôih tâm nchră, kan ndrel tĭng nuih n’hâm tâm rnglăp, tâm ban ŭch. Tâm nĕ, nău tâm boh tâm rnglăp, kan ndrel n’hanh dăch dêh Việt Nam-Ấn Độ an mô rlu dơi nâp nâl n’hanh hun hao. Măng 1/8, ndeh păr rdêng Thủ tướng Chính phủ Phạm Minh Chính sĭt bah thủ đô New Delhi lôch uĕh hăn khâl gưl ngih dak tât Ấn Độ