Kêng măng 25/8, ta nkual ƀon têh Đà Lạt, n’gor Lâm Đồng, Thủ tướng Chính phủ Phạm Minh Chính pah kan đah Ban Thường vụ N’gor ủy Lâm Đồng gay uănh lah săk rnglăy ƀư tĭng nău kan hun hao wăng sa rêh jêng năm 2023, ăp khay bôk năm 2024 n’hanh trong rƀŏng, nău kan năm tât; nkre mkra, du đêt nău dăn đă gay geh n’hâm soan mhe an hun hao bah n’gor.

Khay tât, Thủ tướng đă, Lâm Đồng an nsrôih lơn, dŭt n’hâm lơn, rgâl mhe nău wât, nău mĭn, trong mkra, trong gĭt tât n’hanh ƀư tĭng ăp nghị quyết bah Đảng, Quốc hội, Chính phủ, Nghị quyết Đại hội Đảng bộ n’gor; dŏng kơt, ƀư tĭng trong hăn bah Đảng, nău kơl pháp luật bah Ngih dak n’hanh nău ƀĭt joet bah Chính phủ, Thủ tướng Chính phủ gay lôch jêh âk ngăn nău rƀŏng, nău kan n’gluh an năm 2024.