Ôi lơ 1/12, ta Tokyo, Thủ tướng Phạm Minh Chính hŏ geh nar pah kan đah rmôt kan ntrŭt dăng nau tâm nchră nau ƀon lan Nhật Bản. Tâm ăp năm ma aơ, rmôt kan ntrŭt dăng nau tâm nchră nau ƀon lam Nhật Bản hŏ geh âk nau kan, săk tam, rgop nau ntrŭt dăng nau tâm boh kan nsum ndrel tâm boh âk ntil Việt Nam ndrel Nhật Bản kơt: Đă rmôt kan mêt uănh văng sa, ntĭm nti, văn hoá tât Việt Nam; ntơm ƀư ăp nau kan tâm mâp ntuh kơl-tăch rgâl đah bar dak, kơl an nau hun hao nŭih pah kan ân Việt Nam, tâm mâp ndrel tâm n’ur đah ăp rmôt kan tă bah Việt Nam khâl Nhật Bản; nsôih kơl an ăp nau kan bah ntoh măt Việt Nam ta Nhật Bản.

Rơh tât, Thủ tướng Phạm Minh Chính ân lah bar ding ân lŏ ntĭm nti ân rơh mom bah 2 dak mô rlu mât ndray ndrel ƀư ueh nau tâm boh kan nsum lah drăp ndơ khlay bah 2 rnoi mpôl, ƀư ueh ăp nau kan tă dơi geh ƀư, rhuăt luh ăp nau ê dơi ƀư, ƀư ngăn nau tâm boh kan nsum ăp ntil jêng nau ngăn, nau ƀư n’hêl, leo nau tâm boh 2 dak lơn ma jri, ngăn, săk tam lơn./.