Kêng măng 26/2, Thủ tướng Chính phủ Phạm Minh Chính pah kan đah kruanh rđău kan n'gor Hòa Bình mpeh nô nău hun hao wăng sa- rêh jêng kon nuĭh. Lah ta rơh pah kan, Thủ tướng Chính phủ Phạm Minh Chính nchih nkah, rhơn rnê Đảng bộ, n'gâng kan, tahen n'hanh ƀon lan n'gor Hòa Bình hŏ tâm rnglăp, nsrôih geh ăp nău dơi mpeh wăng sa- rêh jêng kon nuĭh.

Thủ tướng dăn đă n'gor rgum rđău đă, ƀư jăp pah kan dăp rgum n'hanh hun hao buăt nthoi ntung trong, uănh aơ lah nău dơn kan chính trị rgum tơm n'hanh an ƀư lor bah n'gor; uănh khlay ntuh kơl hun hao buăt nthoi ndơ dŏng wăng sa- rêh jêng kon nuĭh, lơn lah ntung trong. Thủ tướng Chính phủ rđău đă n'gor Hòa Bình ân geh trong kan rgum ăp tơm ndơ an hun hao; ntrŏng ngăch n'gluh tơm prăk ntuh kơl, 3 bôk nău kan gưl neh dak; ntrôl dăng tay rgâl dơh glêh siƀŭt, rgâl soih aih ntŭk ntuh kơl, tăch rgâl; uănh khlay hun hao ăp trong kan văn hoá, rêh jêng kon nuĭh, mât njrăng ntŭk gŭ rêh, đăp mpăn rêh jêng kon nuĭh, n'hao geh nău rêh drăp ndơ, nuih n'hâm bah ƀon lan, mât ndray n'hanh mpư n'hao ăp rnoh khlay văn hóa way ơm.