Ntoh ngơi ta aơ, Thủ tướng Phạm Minh Chính lah rjăp, Nghị quyết Đại hội rơh tal 13 bah Đảng nkoch kloh, hun hao neh dak nâp nâl nsing tâm khoa học công nghệ n’hanh rgâl mhe mĭn ƀư mhe. Thủ tướng an lah ân mĭn njêng slogan bah Ntŭk kan lah “Rgum nău mĭn njêng n’hanh rêng hvi nău uĕh rgâl mhe mĭn ƀư mhe Việt Nam”. Jêh nĕ, Thủ tướng Phạm Minh Chính khâl tập đoàn Công nghiệp-Viễn thông quân đội (Viettel) n’hanh pah kan mpeh nău ƀư mĭn njêng nkra njêng công nghệ mhe bah Viettel.

Ta aơ, Thủ tướng đă Viettel ƀư uĕh lơn tay n’hanh nău kan bah nơm gay ƀư tĭng ăp nău kan dơi jao. Tâm nĕ, an rgum ndâk njêng n’hanh hun hao, lah n’gâng tơm ndâk njêng rkum công nghiệp mât njrăng bri dak công nghệ mhe; ndâk njêng, hun hao jâng công nghiệp nkra njêng ndoh ndơ ƀon lan dŏng, rgop ƀư tĭng nău kan ndơ̆ Việt Nam jêng du dak công nghiệp hun hao; bah năp măt rhŏ nău kan khlay, săk rnglăy rgâl mrô neh dak đah n’gâng tơm ndâk njêng chính phủ mrô, nău rêh jêng mrô; mât leo tâm rnôk rgâl mrô; ndâk njêng dữ liệu neh dak; n’hao rnă njrăng, đăp mpăn viễn thông, đăp mpăn mạng