Kêng măng 18/9, ta nkual ƀon têh Buôn Ma Thuột, Thủ tướng Chính phủ Phạm Minh Chính pah kan đah n’gor Dak Lak mpeh nu nău hun hao wăng sa-rêh jêng, đăp mpăn mât njrăng bri dak, rnă njrăng. Ta nar pah kan, kruanh ăp n’gâng kan, nău kan n’hanh n’gor Dak Lak tâm nchră nkô̆ nău ma n’gor dăn đă đah Chính phủ, Thủ tướng Chính phủ.

Kruanh ăp n’gâng kan nău kan dăn đă ntop kơl n’gor Dak Lak dŏng ăp nău geh, kơl lor hun hao lŏ mir kloh uĕh, công nghệ mhe, hun hao văn hóa-pâl nđaih hăn ndrel đah mât nău khlay văn hóa way ơm; rgum hun hao ntung trong mhe; ntĭm nti nuĭh kan. Thủ tướng Chính phủ đă n’gor Dak Lak ntrôl hun hao wăng sa-rêh jêng hăn ndrel đah ndâk njêng trong chính trị nâp dăng, nâp nâl mât njrăng bri dak, rnă njrăng; tâm rgop rjăp đah mât njrăng ntŭk ntô gŭ âm, rdâng đah rgâl trôk nar, sŏk kon nuĭh lah ta nklang, n’hŭch ach o nâp nâl.... mô rlu n’hao nău rêh drăp ndơ, văn hóa n’hanh nuih n’hâm bah nuĭh ƀon lan.