Kêng măng 16/11, ta nkuăl ƀon têh Hồ Chí Minh, Thủ tướng Chính phủ Phạm Minh Chính râng nar rƀŭn Đại học Quốc gia nkuăl ƀon têh Hồ Chí Minh. Nkoch bri ndrel mbơh kơl an đah ăp kơn nai ntĭm ndrel nŭih nti bah Ngih săm ƀŭt Đại học Quốc gia Hồ Chí Minh njoăl tât ăp kơn rđau kan, rmôt cán bộ, nŭih kan khoa học, giảng viên, nŭih pah kan ndrel ma âk sinh viên, kon se nti bah ngih săm ƀŭt Đại học Quốc gia Hồ Chí Minh nau ôp khâl n’hâm soan, nau ŭch rŏng tâm dăch ndrel njoăl nau rhơn ueh ngăn. Thủ tướng kơp dơn, rnê prêh ăp nau nsôih ndrel nau tă dơi geh ma ăp rơh kơl rđau kan, rmôt cán bộ, nŭih kan khoa học, nai ntĭm, nŭih pah kan, kon se nti, sinh viên bah Đại học Quốc gia Hồ Chí Minh hŏ dơi geh tâm 28 năm ndâk njêng ndrel hun hao.

Thủ tướng đă ngih săm ƀŭt ntrŭt dăng ngăch nau săch ndrel ntĭm nti ân ăp kon se blau, ntrŭt dăng mĭn njêng khoa học; uănh khlay nau rgum, dŏng ndrel hun hao rmôt ăp nŭih kan khoa học mom, blau, ăp nŭih kan khoa học bôk năp; Ntrơn rgâl mrô geh nau geh dơi mĭn êng tâm rmôt bôk năp Châu Á; hun hao ntŭk kan ntrơn rgâl blau mhe bah neh dak./.