Kêng măng ntri (3/1), Thủ tướng Chính phủ Phạm Minh Chính râng tâm nchră n’glôch jêh pah kan năm 2023, an ƀư trong nchrăp năm 2024 n’gâng kan tuch tăm n’hanh hun hao ƀon lan. Lah ta rơh tâm nchră, Thủ tướng Chính phủ Phạm Minh Chính lah rjăp, lam n’gâng kan ân tâm rnglăp, nsrôih kan dŭt n’hâm gay bên di ngăch ngăr, geh nău tam đah nô nău mhe; nkra bah, rlău dơi ăp nău jêr jŏt, ntul rlong, ndăn rnôk dơh geh, trong tât mhe tâm hun hao n’gâng kan tuch tăm; lor nchrăp, nsrôih lăp rgum dak bah dih lam lĕ rngôch, jru hvi, ngăn ngăn, geh nău tam.

Tĭng ƀư geh nău dơi rnoh tât kan tâm năm 2024 lah hun hao geh ntơm bah 3,5-4%. Thủ tướng Phạm Minh Chính nsing nơm đah nău way ơm rgâl mhe, blău njêng mhe, nsrôih âk bah Trung ương tât n’gor, n’gâng kan tuch tăm n’hanh hun hao ƀon lan mbra hun hao tay dăng lơn, ngăch lơn, nâp dăng lơn, tĭng ƀư geh nău dơi ăp rnoh tât kan ndơ̆ luh, nsĭt geh năm 2024 rlău năm 2023; ƀon lan kan lŏ mir nar lơn ma geh ndrŏng, gĭt blău lơn;  thôn ƀon mbra nar lơn ma têh uĕh mhe, kloh uĕh n’hanh di ma gŭ rêh lơn, rgop rdâk njêng neh dak nar lơn ma ndrŏng hao./.