Kêng măng 19/12, N’gâng kan tơm prăk ƀư rƀŭn lôch nau kan tơm prăk-ngân sách Ngih dak năm 2022, ntrŭnh ƀư nau kan năm 2023. Thủ tướng Chính phủ Phạm Minh Chính râng ndrel ntoh nau ngơi ta rơh rƀŭn. Rơh rƀŭn geh ƀư sŏng dăng tâm rgop nsum đah bôk nau ntoh ngơi bah N’gâng kan tơm prăk ndrel 62 nrŭk ƀoh bah ăp n’gor, nkuăl ƀon teh tâm Trung ương. Ta rơh rƀŭn, Thủ tướng nchŏng kloh ăp nau dơi ndrel nau ê dơi ndrel nau tă dơi geh blau bah ntŭk kan tơm prăk. Thủ tướng lah rjăp, năm 2023 lah năm tơm bah nau ƀư nau nchrăp hun hao văng sa, rêh jêng, tơm prăk 5 năm 2021-2025 ndrel năm tal 3 ƀư nau nchrăp hun hao văng sa rêh jêng 10 năm 2021-2030 tĭng ăp nau ntrŭnh bah Đảng, Quốc hội, nau kan ndŏ luh đah ntŭk kan tơm prăk lah nau dŭt jâk.

Thủ tướng hŏ tâm ban đah nkô̆ nau, nau đă, nau kan, ntrong kan ƀư nau nchrăp tơm prăk-Ngân sách Ngih dak năm 2023, rgum rđau, tâm rgop ngăn tâm nau rđau đă, ƀư nsôih ngăn tă bah ntơm ăp nar bôk năm 2023, ntrŭnh ƀư ân jêh prêh ngăn ăp nkô̆ nau hun hao văng sa, rêh jêng ndrel tơm prăk Ngih dak năm 2023, ngăn lah nkân nau hao khlay, đăp mpăn văng sa tơm, ndâk tay nau kan bah tơm prăk Ngih dak, rnon prăk kan nsum, hun hao jâng văng sa tơm prăk bah neh dak đăp mpăn, nâp nâl./.