Rơh rƀŭn aơ gay ƀư n’hêl ăp nau ntrŭnh,
ntrong kan bah Đảng, Ngih dak mpeh nau hun hao nkuăl Đồng bằng sông Hồng,
nkualư tơm bah nkuăl sa Bắc Bộ, nkuăl Thủ đô ndrel n’gor Hải Dương, ngăn lah
nau ntrŭnh bah Bộ chính trị mpeh nau rƀŏng hun hao văng sa, rêh jêng, đăp mpăn
neh dak, rnă njrăng nkuăl Đồng bằng sông Hồng tât năm 2030, rƀŏng tât năm
2045.

Ntoh nau tâm nar rƀŭn, Thủ tướng Phạm Minh Chính lah rjăp, Hải Dương
rgum âk nau geh dơi êng êng, nau hun hao ntoh lư, nau dăng ntul rlong gay hun
hao văng sa rêh jêng ngăch ndrel nâp nâl, lah nkuăl tât ueh đah ăp tơm ntuh kơl
tâm dak ndrel dak ba dih, njêng nau dơi hun hao ân Hải Dương ndrel rêng lam ân
nkuăl Đồng bằng Sông Hồng ndrel lam dak. Ndrel nê, Thủ tướng đă, ntrŭt dăng
nau kan văng sa, geh nsum ma nau ntrơn rgâl nau kan hun hao, n’hao nau geh dăng
ndrel n’hâm ntul rlong, nsing tâm nau kan mrô, khoa học công nghệ ndrel ntrơn
rgâl mhe, hun hao văng sa ndrih, văng sa tâm ban dơi./.