Ôi nđaơ (22/8), Thủ tướng Chính phủ Phạm Minh Chính râng Rƀŭn nchră nuĭh gĭt blău n’hanh Nuĭh way kan Việt Nam ta dak bah dih, ndrel râng geh ăp kruanh ăp Ban, N’gâng kan, nău kan Trung ương, ƀon lan n’hanh ntoh măt nuĭh gĭt blău, nuĭh way kan n’hanh kônh wa nuĭh Việt Nam ta dak bah dih.

Ntoh ngơi ta rƀŭn nchră Thủ tướng Phạm Minh Chính lah rjăp, Rƀŭn nchră aơ geh nkô̆ nău rnôk geh tâm rnôk lam dak dôl tâm lvang hao ngăch, nsrôih lôch jêh trong nchrăp 5 năm 2021-2025, rƀŏng tât ăp nău ŭch hun hao tât năm 2030, uănh tât năm 2045. Nkre, di rnôk 20 năm ƀư tĭng Nghị quyết 36 bah Bộ Chính trị mpeh trong kan nuĭh ƀon lan Việt Nam ta dak bah dih-du gưl nău khlay tâm trong kan aơ n’hanh nău kan tâm rnglăp lam rnoi nuĭh. Aơ lah di an rgum gay he ndrel tâm nchră ăp nău khlay, ngăn ngên mpeh nău hun hao bah neh dak tâm ăp năm tât, n’hanh djăt ăp nău ŭch, nău mpŏng, nsơr an rgop khlay bah kônh wa nuĭh Việt Nam ta dak bah dih.