Ôi nđaơ, ta Hà Nội, Thủ tướng Chính phủ Phạm mInh Chính râng rƀŭn nchră rnê rhơn nuĭh âk năm deh ƀư sa blău lam dak rơh tal 14, lvang 2018-2023 đah nău mbơh: “Mât uĕh ƀư tơm nuĭh âk năm deh ƀư sa blău, dŭt n’hâm râng rgâl mrô, rgâl uĕh nđĭr, rgop ndâk njêng neh dak uĕh lăng”. Ta rƀŭn nchră aơ, Mpôl rdâk ƀư lĕ ntô̆ n’hao 273 nuĭh ntoh ang dơi săch ta ăp rƀŭn nchră rnê rhơn nuĭh âk năm deh ƀư sa blău lvang 2018-2023 ta 63 n’gor, nkual ƀon têh ta lam dak.

Aơ lah ăp nuĭh âk năm deh ntoh lư ƀư sa blău, mô knŭng ƀư sa blău an săk nơm, an rnăk wâl ma hôm nta nău kan , nău rêh an âk nuĭh, rgop hun hao wăng sa ta ntŭk n’hanh nta an rêng hvi, têh dăng ta lam dak. Ntoh ngơi ta nar ƀư, Thủ tướng Phạm MInh Chính lah rjăp, ăp nău nsrôih, n’hanh nău geh bah nuĭh âk năm deh ta lam dak lĕ rgop khlay ndơ̆ neh dak he rlet rlău jêr jŏt, ntŭl rlong, gay neh dak he geh âk nău dơi, nsing nơm lam ntŭr neh kơt nar aơ.