Ndơn nau jă bah Thủ tướng Lào Sonexay Siphandone, ôi 23/8, Thủ tướng Chính phủ Phạm Minh Chính hŏ râng ndrel ntoh nau tâm nar rƀŭn tâm rơh rƀŭn gưl prêh Rđau kan bu ur ASEAN tal pe. Nau tơm bah rơh rƀŭn bah rơh aơ lah gay tâm nchră mpeh nau kan ntul rlong, jêr jŏt ndrel nau mbăk jâk ân bu ur rnôk đăp mpăn ăp nau kan mât chăm mô geh prăk khay ndrel hăn nsum ma nê lah ăp ntrong kan geh âk ding đah nau dơi ndrel rgop nau bah bu ur kơt mô tâm ban bu ur bu klô, mô geh nau dơi gay ma ntĭm nti, pah kan, tâm lơh nsing tâm nau tâm ban bu ur bu klô.

Ntoh nau tâm rơh rƀŭn, Thủ tướng Phạm Minh Chính lah rjăp ăp nau rgop têh bah nŭih bu ur, nkre lah nŭih kơl ƀư nau kan nâp ueh bah nau rêh ăp rnăk, nkre lah ăp nŭih leo trong tâm nau kan ntrŭt dăng nau hun hao nâp nâl bah nau rêh. Thủ tướng kŏ mbơh đah rơh rƀŭn nau tă geh dơi ƀư ăp nkô̆ nau bah neh dak mpeh nau tâm ban bu ur bu klô năm 2023 bah Việt Nam./.