Tâm rnôk hăn khâl ngăn Singapore, ôi 10/2, Thủ tướng Chính phủ Phạm Minh Chính hŏ râng rgum nchră doanh nghiệp Việt Nam – Singapore đah nău tât râng bah kruanh rđău kan ăp Bộ, nhih pah kan mpeh Chính phủ, ăp mpôl kan n'hanh âk mpưm doanh nghiệp bar dak. Ta rơh rgum nchră, ăp đại biểu lah rjăp tâm boh têh jong Việt Nam – Singapore hun hao ngăch dăng ta ăp trong kan.

Năm 2023 dja, bar dak nkah ndray 50 năm njêng tâm boh tâm brê n'hanh 10 năm njêng tâm boh têh dơi jŏ jong. Lah ta rơh  rgum nchră, Thủ tướng Chính phủ Phạm Minh Chính an gĭt, năm 2023, Việt Nam n'hanh Singapore nkah ndray 50 năm njêng tâm boh tâm brê, 10 năm njêng tâm boh têh dơi jŏ jong Việt Nam – Singapore, 100 năm nar deh drô Thủ tướng Lý Quang Diệu. Rlău 50 năm tâm boh Việt Nam – Singapore tâm gĭt wât nsum lơn, nsing nơm lơn; lam lĕ rngôch, ăp tŏng n'hanh ngăn ngăn geh nău tam lơn; lah jâng nsing khlay gay ntrŭt ntrôl tâm boh, rƀŏng tât ntơm ăp jâng mhe tâm boh bar dak; rgop tâm nău đăp mpăn, hun hao tâm nkual n'hanh lam ntŭr neh.