Ntoh ngơi ta rơh kahgĭt, Thủ tướng rnê, uănh năl âk n’hanh rhơn ăp nău dơi geh ma n’gâng kan Hóa chất dơi geh tâm trong rdâk njêng n’hanh hun hao 55 năm ba năp. Thủ tướng lah na nê, tâm nău kan công nghiệp mhe, nău rêh mhe rĭ n’gâng kan Hóa chất lah n’gâng kan công nghiệp tơm khlăy, yor nĕ Tập đoàn Hóa chất Việt Nam dâk ta năp nău đă mô dơi mô hun hao. Aơ lah nău kan khlăy, nău kan tơm ta năp Đảng, ngih dak n’hanh ƀon lan. Thủ tướng đă tâm let năp tay, Tập đoàn Hoá chất Việt Nam an geh tâm rnglăp, lĕ rngôch an geh mbơh nău dơi ngih dak bôk năp, mpôl rnoi bôk năp, leo kan tâm rgop na nê̆, geh săk rnglăy đah ăp n’gâng kan, ntŭk kan, đah ta ntŭk kan ndrel; tâm rgop na nê̆ tâm n’gâng kan ăp tập đoàn, tổng công ty, doanh nghiệp ndrel, leo kan uănh khlăy ntuh kơl, dŏng lĕ nău mhe ta trong hun hao ueh nđir, rgâl mhe rnoh mbrô, rgâl mhe nđir, hun hao ŭnh nar nâp nâl.