Ôi aơ 15/12, Thủ tướng Chính phủ Phạm Minh Chính leo mpôl đại biểu gâl têh Việt Nam tât râng rơh rƀŭn nchră kahgĭt 50 năm tâm boh kan ASEAN - Nhật Bản n’hanh ƀư ăp nău pah kan bar ding ta Nhật Bản bâh lơ 15 tât 18/12/2023. Aơ lah rơh hăn pah kan geh âk nău khlăy, âk nău kan bâh Thủ tướng, tâm rnôk nău tât dŭt êng: Việt Nam- Nhật Bản mhe n’hao nău tâm boh kan hao dak kan ndrel lĕ rngôch yor nău đăp mpăn n’hanh têh kuăng ta châu Á n’hanh ta lam ntur neh di rơh tât khâl Nhật Bản bâh kruanh dak Võ Văn Thưởng ta khay 11 mhe nơh, nkre lah ASEAN - Nhật Bản lĕ geh njêng nău tâm boh kan ndrel lĕ rngôch CSP ta rơh rƀŭn nchră gâl têh ASEAN - Nhật Bản tal 26 ta Indonesia ta khay 9/2023.

Tâm ntrŭp lơn lah, nđâp ma Việt Nam n’hanh ASEAN lĕ geh njêng tâm boh kan nchră nău đah dak Nhật Bản ta năm 1973- 50 năm. Nchrăp ăp nuĭh leo kan ASEAN n’hanh Nhật Bản mbra uănh năl tay trong kan tâm kơl 50 năm ba năp, bâh nĕ geh mpŏng uănh n’hanh mbơh nău hun hao tâm boh kan ta rơh mhe. Nkre lah rơh rƀŭn nchră mbra mbơh tơih 2 văn kiện geh: “Mbơh nău mpŏng uănh mpeh nău tâm boh kan tâm rnglăp n’hanh tâm kơl kan ASEAN - Nhật Bản: Đah ăp nău knơm n’hanh nău nchrăp kan mbơh tơih nău mpŏng uănh mpeh tâm boh tâm rnglăp n’hanh tâm kơl ASEAN - Nhật Bản: Dak kan ndrel geh nău knơm”; gay ma ƀư ueh na nê̆ ăp nău geh tâm mbơh pah kan bâh ăp nuĭh leo kan ta rơh rƀŭn nchră.