Rơh tâm mâp yor n’gâng kan kế hoach n’hanh Đàu tư, Đại sứ quán Việt Nam ta Thổ Nhĩ Kỳ n’hanh Hội đồng wăng sa nchră nău đah dak bah dih Thổ Nhĩ Kỳ tâm rgop leo ƀư. Ta rơh tâm mâp, âk doanh nghiệp Việt Nam- Thổ Nhĩ Kỳ geh mbơh tơih mpeh nău dơi, nău ŭch tâm kơl kan, tăch rgâl ăp ding, tâm mbơh nău tă blău kan geh nău dơi ta trong tâm kơl, ntuh kơl. Ntoh ngơi ta rơh tâm mâp, Thủ tướng Chính phủ Phạm Minh Chính an lah. Việt Nam dôl rgum ta 3 rơh nău kan, ŭch tâm kơl kan ta trong kan wăng sa rnoh mbrô, rgâl mhe ueh nđir, wăng sa tâm pleh, wăng sa gĭt blău, wăng sa tâm kơl, sŏk khoa học công nghệ, rgâl mhe nău mĭn  kan lah nău nsrôih hun hao mhe. Việt Nam nta nău dơh nơih ueh an ăp doanh nghiệp têh, công nghệ mhe, geh nău tă blău kan tâm nău mât uănh, tâm nĕ geh doanh nghiệp Thổ Nhĩ Kỳ ntuh kơl, tăch rgâl ta Việt Nam.

Ndrel nar 30/11 Thủ tướng Phạm Minh Chính vơt kruanh n’gâng kan tơm prăk n’hanh Tơm prăk n’hanh kruanh n’gâng kan Công nghiệp n’hanh công nghệ Thổ Nhĩ Kỳ n’hanh tât khâl, pah kan đah Tập đoàn Hàng không vũ trụ Thổ Nhĩ Kỳ (TAI)- Ngoăy tâm âk tập đoàn công nghiệp mât rnă njrăng ngih dak bôk năp bâh Thổ Nhĩ Kỳ, tât khâl bảo tàng Antolia, Thổ Nhĩ Kỳ.