Ôi 27/12, ta Hà Nội, Thủ tướng Chính phủ Phạm Minh Chính râng Tâm nchră Công an lam dak tâl 79 tă bah Đảng ủy Công an Trung ương, Bộ Công an ƀư. Lah ta rơh tâm nchră, Thủ tướng Chính phủ Phạm Minh Chính rnê âk, pah kan Công an năm 2023 hŏ dơi geh dŭt uĕh lơn năm 2022.

Thủ tướng lah rjăp, Đảng, Ngih dak nsing nơm, ƀon lan mpŏng mpôl Công an ƀon lan ntik uĕh tay nău way ơm dăng janh n’gluh ang, "Yor neh dak chuêl săk, yor ƀon lan rhŏ dŏng", "Dơn gĭt hôm Đảng ri hôm he", "Lư săk lah lah huêng khlay, dŭt têh khlay"; lah trong ntĭt leo bah nău tâm rnglăp; ntĭt leo, hăn bôk năp tâm ƀư trong nchrăp, gung trong, trong kơl bah Đảng, Ngih dak; nsrôih âk, nsrôih têh, dâk kan lĕ n’hâm suan n’hanh lĕ săk nơm rhŏ dŏng an neh dak, rhŏ dŏng an ƀon lan; way di lah nău nsrôih mpôl kan tơm, nsing nơm, du nuih n’hâm đah Đảng, Ngih dak n’hanh ƀon lan.