Ôi ntri (3/1), Thủ tướng Chính phủ Phạm Minh Chính râng tâm nchră n’glôch jêh năm 2023 n’gâng kan Văn hóa Thể thao n’hanh pâl nđaih.

Tâm nchră dơi pơk sŏng dăng tât 63 n’gor nkual ƀon têh lam dak. Lôch rnôk djăt ăp nău rgop  ta rnôk tâm nchră, lah ta rnôk tâm nchră, Thủ tướng Phạm Minh Chính an gĭt mpeh nău dơi ntoh lư bah năm 2023 bah lam dak nkre nchŏng kloh ăp nău dơi hŏ geh bah n’gâng kan Văn hóa Thể thao n’hanh pâl nđaih tâm nê lah rjăp, n’gâng kan Văn hóa Thể thao n’hanh pâl nđaih hŏ ndrel đah ăp gưl, ăp n’gor rgâl dăng tay nău mĭn bah “ƀư văn hóa” jêng “mât uănh ngih dak mpeh văn hóa”; nsrôih nkra bah jêr jŏt, kŏ kol; nsrôih, lor nchrăp ndăn trong dơh uĕh, an ƀư lĕ n’hâm suan, ăp kôp ăp  nău  kan,  trong nkra n’hanh hŏ geh âk nău dơi ntoh lư. Mpeh trong rƀŏng, nău dơn kan năm 2024 n’hanh let năp tay Thủ tướng đă n’gâng kan Văn hóa Thể thao n’hanh pâl nđaih ân rgum an ƀư tay geh nău tam ăp trong nchrăp, gung trong, trong kơl, pháp luật bah Đảng, Ngih dak mpeh văn hóa, lơn lah n’glôch jêh bah Tổng Bí thư Nguyễn Phú Trọng ta Tâm nchră Văn hóa lam dak.