Kêng măng 16/8, Thủ tướng Phạm Minh Chính, Kruanh rnâng kan rđau nau kan kơp, rklaih nau nkol bah ntrong ntrŭnh quy phạm pháp luật ƀư tơm nar rƀŭn bah Rnâng kan Chính phủ mpeh nau mbơh nau đă ndâk luật rgâl nkra, ntop tay 7 luật tâm nau mât kan bah N’gâng kan tơm prăk. Rnê prêh nau nsôih, nau kan, nau ƀư nchrăp bah N’gâng kan tơm prăk, ăp nau rgop mbơh nau ngăn, tâm di tâm rơh rƀŭn, Thủ tướng lah rjăp nau nsôih rklaih ăp nau kol tâm ăp nau ntrŭnh quy phạm pháp luật; đă N’gâng kan tơm prăk kơl an âk mông nar, tu tơm, pă nau kan ân rđau kan N’gâng kan nơm ƀư ndrel pă cán bộ geh nau dơi, nau nsôih, nau kan ân nau aơ.

Mpeh nau dơi geh rgâl nkra, ntop tay, Thủ tướng tâm ban nau đă bah N’gâng kan tơm prăk mpeh nau ndâk di đê̆ luật gay rgâl, ntop tay 7 luật tâm nau kan tơm prăk, đă lŏ kơp uănh gay ma rklaih nau kol ndal, tă bah nê rgop nau doh rklaih tâm nau pah kan tăch rgâl, ntrŭt dăng nau hun hao văng sa, nkân hao khlay ndrel đăp mpăn văng sa, đăp mpăn tâm ban bah jâng văng sa, rgum ndrel dŏng ân săk tam ăp tu tơm kan ân hun hao, ƀư dơi ăp nkô̆ nau, nau kan ma Đại hội XIII bah Đảng nchrăp luh./.