Ôi 16/8, Thủ tướng Chính phủ Phạm Minh Chính hŏ n’glôch jêh rơh hop tâl 9, Hội đồng tâm rlong – Nkhôm rnê Trung ương. Thủ tướng lah rjăp, trong leo tâm rlong n’hanh pah kan nkhôm rnê lah suan dăng rŭ êng ta nâm neh neh dak jêng ân ƀư geh nău rgum tơm, ngăn ngăn, geh nău tam, mô lah ngơi dơm ma mbung. Ntơm bah năm 2021 tât aƀaơ, Thủ tướng Chính phủ hŏ rgŏ jă 4 trong leo tâm rlong lam dak, nkre an ƀư tay 3 trong kan tâm rlong.

Hội đồng uănh năl, ăp trong leo tâm rlong tă bah Thủ tướng Chính phủ rgŏ jă dơi an ƀư ăp kôp, geh nău tam, lah n’gâng tơm, rƀŏng trong an leo tâm rlong. N’glôch jêh rơh hop, Thủ tướng Phạm Minh Chính rnê âk n’hanh mpư rnê nuih n’hâm dơn kan n’hanh nău rgop uĕh bah ăp n’gâng kan, ăp n’gor, nsum mpôl n’hanh ƀon  lan kơt tĭng, rgŏ jă, an ƀư geh nău tam ăp trong leo tâm rlong. Thủ tướng lah rjăp, trong leo tâm rlong rŏng dak n’hanh pah kan tâm rlong nkhôm rnê lah bar nkô̆ way dơi nkrêp nsum, lah ngoăy tâm ăp suan dăng rŭ ta nâm bah rnoi nuĭh, bah neh dak he.