Nkhêp di râng Rƀŭn nchră Gưl prêh ASEAN rơh tal 43 ta Jakarta, Thủ tướng Chính phủ Phạm Minh Chính lĕ geh rơh rgum ôp nău đah Tổng thống Indonesia Joko Widodo. 2 nuĭh kruanh mĭn lah tĭng ăp nău khlay bah nău tâm boh dăch dêh way ơm yor Kruanh Hồ Chí Minh n’hanh Tổng thống Seokarno ƀư n’gâng tơm, 2 dak mbra n’hao tâm rgâl tâm mâp gưl prêh n’hanh ăp gưl tâm năm tât, ntăm an nkah gĭt 10 năm tâm boh kan ndrel tâm năm 2023 n’hanh rƀŏng tât ăp nău ƀư têh khlay 70 năm tâm boh nchră nău n’hanh 80 năm Quốc khánh bah 2 dak tâm năm 2025;

tâm ban ŭch nsrôih mât săk rnglăy ăp trong ƀư kan ndrel ăp ding n’hanh tâm rgop ƀư uĕh ăp hiệp định, tâm ton lĕ ký, tâm nĕ geh nău ndơ̆ sam ƀŭt lĕ ký mpeh kan ndrel dak lêng ơm geh tam n’hanh mbơh ƀư ngăn ngên, nta an tâm boh kan ndrel hun hao prêh mhe, rƀŏng tât Kan ndrel têh lam lĕ rngôch tâm năm tât; nsrôih ndơ̆ geh prăk tăch rgâl ăp ding geh 15 rmen đôlar tâm năm 2028.