Lơ 29/9, Thủ tướng Phạm Minh Chính lĕ uănh nđôi ƀư tĭng ntrong leo ndrel ty jŭt jăng ngih rông mpônbg sat ta n’gor Hòa Bình. Thủ tướng Phạm Minh Chính lĕ tât khâl du đêt rnăk geh jay gŭ mhe bah ntrong leo aơ. Răm rhơn dơi saơ nău rêh uĕh lăng bah âk rnăk tâm ăp jay mhe dơi ndâk ƀư, Thủ tướng Chính phủ uănh lah prêh n’gor Hòa Bình lĕ “ngơi lah ƀư”, nsĭt tay nău uĕh lăng an nuĭh ƀon lan.

Thủ tướng đă ăp gưl ủy, rmôt kan Đảng, n’gâng kan ƀon lan rgum ntĭm rđău, ƀĭt joet rêng hvi nuih n’hâm “Ăp nuĭh geh soan rgop ndơ, geh ndơ rgop ndơ, geh âk rgop âk”, mât uănh geh săk rnglăy ăp nuĭh gay lôch jêh nău rƀŏng jŭt jăng ngih rông mpông sat an rnăk ach o; nkre mbơh ƀư rĭng ăp trong mkra gay ntop kơl nuĭh ƀon lan geh geh nău, joi nău rêh, mô knŭng rklaih luh ach o n’hanh rƀŏng tât geh nău rêh hơm răm lơn.