Ta rơh vơt, Thủ tướng Chính phủ Phạm Minh Chính lah na nê̆, Việt Nam mbra ndrel đah Trung Quốc mbơh tơih ƀư geh săk rnglăy nău gĭt vât nsum gâl têh tĭng nău mpŏng kan 6 rlău lĕ geh Tổng Bí thư Nguyễn Phú Trọng n’hanh Tổng Bí thư, kruanh dak Tập Cận Bình uănh năl đah ăp nău kan tơm lah ntrôl an ăp rơh tât khâl n’hanh tâm mâp gâl têh n’hanh ăp gâl kan, n’hao nău tâm kơl đah ăp n’gâng kan, ntŭk kan, đah 2 dak tâm nĕ ƀư ueh nău kan tâm kơl đah Mặt trận Tổ quốc Việt Nam n’hanh Chính hiệp Trung Quốc, ƀư an ueh lơn tay ăp nău pah kan tâm nđur ƀon lan, n’hao nău tâm mbơh nău tă kan mpeh nău kan mât uănh, rdâk njêng Đảng n’hanh mât uănh ngih dak, ƀư ueh tay lơn nău tâm kơl kan ta ăp trong kan na nê̆, ngăn lah mpeh nău wăng sa- tăch rgâl, ntuh kơl n’hanh tâm rgop mpeh trong hăn.