Kêng măng lơ 19/8, ta ntŭk kan Chính phủ, Thủ tướng Chính phủ Phạm Minh Chính hŏ vơt Kruanh n’gâng kan nchrăp kan ndrel ntuh kơl Lào, wa Pomphiphak dôl khâl ndrel pah kan ta Việt Nam. Thủ tướng rnê prêh nau tă geh dơi bah rơh rƀŭn nchră nau nchrăp tâm boh kan nsum Việt Nam-Lào năm 2024 ndrel kơp uănh ntrŭt dăng nau tâm boh kan nsum Việt Nam-Lào lvang năm 2021-2025.

Rnê prêh nau kan bah Uỷ ban tâm boh bar dak hŏ nsôih, tâm rgop nsum đah ntŭk kan bar ding tâm 6 khay bôk năm 2024 doh rklaih âk nau jêr, nkol tâm ăp nau kan tơm, ntrŭt dăng tâm boh tâm âk nau kan. Thủ tướng đă Chính phủ Lào ân geh rgâl ntŭk ƀư kan tăch rgâl, rklaih năn nau kol bah ăp ntŭk kan tăch rgâl Việt Nam ntuh kơl ta Lào, rgâl nau kan hành chính, kơl an, pơk trong nơih ân ƀư nau kan dôl ƀư ndrel ntrŭnh kan mhe, rgum tâm nau kan ŭnh nar, tơm pring, sŏk, nkra khoáng sản, tuch tăm, pâl n’aih, ntĭm nti./.