Kêng măng 13/2, Thủ tướng Chính phủ Phạm Minh Chính hŏ vơt wa Eduord Philippe, Thủ tướng ơm bah dah Pháp, dôl ƀư Kruanh nkuăl ƀon têh Le Havre dôl geh rơh khâl Việt Nam. Tâm nar vơt, bar rđau kan rnê prêh nau tâm boh kan nsum ăp ntil bah Việt Nam-Pháp nar lơn hun hao, ngăn ngên tâm ăp nau kan, đah nuih n’hâm rnơm prêh.

Pháp mro lah dak kan nsum tăch rgâl, ntuh kơl, kơl an hun hao bôk năp bah Châu Âu ta Việt Nam. Rnoh prăk tăch rgâl bah 2 dak dôl ndâk tay jêh rnôk bah srê Covid-19, geh 5,3 rmen ơ-rô năm 2022, hao 10% rđil rơh aơ năm 2021. Bar dak hôm âk nau dơi gay ma ntrŭt dăng nau kan tăch rgâl tâm rơh tât, ngăn lah jêh rnôk nau tâm ton dah rŏng tăch rgâl Việt Nam-EU (EVFTA) geh nau tam./.