Kêng măng 24/11, Thủ tướng Phạm Minh Chính wơt Đại sứ Italy Marco Della Seta mhe dơn nău kan ta Việt Nam. Ta rơh wơt, Thủ tướng nsing nơm an lah đah nău tă ơm gĭt pah kan tâm n’gâng kan tâm boh dak bah dih, Đại sứ mbra geh du năm kan geh nău dơi ta Việt Nam; lah rjăp Việt Nam uănh khlay n’hanh ŭch rŏng ntrŭt ntrôl, ƀư jru hvi lơn tâm boh têh jong lam lĕ rngôch Việt Nam-Italy; mpeh Việt Nam mbra nta trong dŭt dơh uĕh gay Đại sứ lôch jêh nău dơn kan bah he.

Thủ tướng n’hanh Đại sứ mpơl nău rhơn ta năp nău hun hao jru hvi bah  n’gâng kan tâm boh têh jong lam lĕ rngôch Việt Nam-Italy ta lĕ rngôch ăp trong kan tâm boh. Nkre, kan nsum lhăt đah ăp rgum  nchră âk ding kơt Liên Hợp Quốc, ASEAN–EU, Việt Nam lah ntung njŏ trôl dăng tâm boh wăng sa, tăch rgâl đah Italia n’hanh EU đah ASEAN, Italia lah ntung njŏ ntrŭt ntrôl tâm boh Việt Nam-EU.