Tâm bôk nău kan pah kan ta Ấn Độ, ôi 31/7, Thủ tướng Phạm Minh Chính pah kan đah wa Gautam Adani, Kruanh Tập đoàn Adani (ngoăy tâm tâm âk tập đoàn têh bah Ấn Độ). Ta rơh pah kan, Thủ tướng lĕ djăt kruanh Tập đoàn Adani nkoch mpeh Tập đoàn n’hanh tâm nchră mpeh ăp nău nchrăp ƀư ntuh kơl bah Adani ta Việt Nam n’hanh nău geh âk, dơi kan ndrel tâm rgŏ năp ngăn lah nău nchrăp ƀư Ndrâm dak lêng Liên Chiểu Đà Nẵng, Tach ndeh păr Chu Lai, Ngih măy điện Vĩnh Tân 3...

Adani mpŏng ŭch mpeh Việt Nam nta nơih, dôh rklaih ăp jêr jŏt mpeh sam ƀŭt pháp lý ăp nău nchrăp ƀư aơ. Ntoh ngơi ta aơ, Thủ tướng Phạm Minh Chính rnê săk rnglăy nău ƀư tăch rgâl n’hanh trong uănh bah Tập đoàn ta Việt Nam n’hanh mpŏng hun hao, pơk hvi tâm năm tât. Thủ tướng mĭn lah, Việt Nam rnê tập đoàn ntuh kơl tâm ăp ntil nău Việt Nam kơl lor, ntung trong ŭnh nar, logictic. Thủ tướng đă kruanh Tập đoàn lĕ tâm nchră lah ƀư n’hanh an tâm nchră na nê̆ nău kan gay kloh nuĭh, kloh nău kan, kloh ndơ, kloh lĕ đah nău kan n’hanh ton an ƀư tĭng, gay ntrôl ăp nău nchrăp ƀư.