Kêng măng 8/1, ta Nhih pah kan Chính phủ, Thủ tướng Chính phủ Phạm Minh Chính hŏ ôp srĭng nău kruanh Quốc hội Bulgaria Rosen Dimitrov Zhelyazkov dôl khâl ngăn Việt Nam tĭng nău jă bah Kruanh Quốc hội Vương Đình Huệ. Mbơh gĭt đah kruanh Quốc hội Bulgaria mpeh ăp jâng nsing rdâk njêng neh dak, gung trong tâm boh dak bah dih, trong kơl njrăng n’gang neh dak, tâm ban kơt nău  dơi hun hao wăng sa-  rêh jêng kon nuĭh bah Việt Nam, Thủ tướng Chính phủ Phạm Minh Chính an lah, bar ding ân ntrŭt ntrôl tâm boh n’hanh ŭch rŏng nar lơn ma geh âk  ăp doanh nghiệp, nuĭh ntuh kơl bah Việt Nam n’hanh Bulgaria ntuh kơl tâm ăp ding.

Thủ tướng Phạm Minh Chính dăn đă bar ding ntrŏng tâm boh wăng sa lah n’gâng tơm tâm boh bar dak, ân ntrŭt ntrôl tâm boh tăch rgâl bar ding gay ơm tât 500 rkeh USD/năm. Nkhêp geh rnôk dja, Thủ tướng Phạm Minh Chính lah uĕh Bulgaria hŏ kơl ntĭm nti hang rmưn cán bộ, sinh viên, nghiên cứu sinh Việt Nam, tâm nê geh âk kruanh rđău kan gưl têh Việt Nam; dăn đă bar ding gŭ mĭn ăp săk geh tâm boh ntĭm nti mhe gay wăch rgum ăp sinh viên, nghiên cứu sinh bar dak tĭng nti tâm ăp nhih nti, ntŭk ntĭm nti bah ăp dak tâm ăp rnâng kan bar ding săk geh âk.