Kêng măng 22/12, ta Nhih pah kan Chính phủ, Thủ tướng Phạm Minh Chính hŏ wơt wa Gautam Adani, Kruanh Tập đoàn Adani - Tập đoàn wăng sa dŭt têh Ấn Độ, đah tơm prăk ntŭk tăch rgâl rlău 200 rmen USD, dôl hăn uănh năl ntuh kơl nklăp 10 rmen USD ta Việt Nam tâm 10 năm tât.

Rhơn rnê Kruanh Tập đoàn Adani tât khâl Việt Nam n’hanh mbah rhơn Adani hun hao tay. Thủ tướng Chính phủ mpơl nău rhơn dơn saơ tâm boh têh jong lam lĕ rngôch đah bar dak Việt Nam-Ấn Độ dôl hun hao uĕh ta ăp trong kan, yơn lah tâm boh wăng sa mô hŏ tâm di đah săk geh. Thủ tướng Phạm Minh Chính rhơn dơi gĭt Tập đoàn Adani hŏ pơk Văn phòng ntơh măt ta Việt Nam n’hanh rdâk njêng trong nchrăp ntuh kơl jŏ jong ta Việt Nam. Thủ tướng lah rjăp, Việt Nam mbra ntop kơl, nta ăp trong dơh an doanh nghiệp, tâm nê geh doanh nghiệp Ấn Độ lah nsum n’hanh Adani lah êng an ƀư ăp nău kan ntuh kơl tăch rgâl geh nău tam n’hanh jŏ jong ta Việt Nam, rgop uĕh tâm rdâk njêng tâm boh têh jong lam lĕ rngôch đah bar dak nar lơn ma hun hao./.